Төв шуудангийн баруун урд талын нэгдүгээр эгнээнд нэгэн "Приус" маркийн автомашин гэнэтхэн зогсож хэсэгхэн хугацаанд түгжрэл үүсгэжээ.

Цагдаагийн ахлах ахлагч Т.Ганхуяг уг түгжрэлийг зохицуулахаар очиход машин дотор нэгэн эмэгтэй төрж байсан байна. Иймд Түргэн яаралтай дуудаж 1-р төрөх эмнэлэг хүртэл замыг нь чөлөөлөн шуурхай хүргэсэн байна. 

Хөл хүндтэй эмэгтэйгийн ус нь гарч, хэзээ мөдгүй төрөх дөхсөн учир такси барьж яваад, эмнэлэг хүрч амжилгүй замын хажууд машин дотор төрсөн нь энэ аж. 

Урьдчилсан байдлаар хүүхдийн биеийн байдал хэвийн байгаа гэнэ.

---