Зариг.мн сайтын эрхлэгч, сэтгүүлч Н.Өнөрцэцэгийг дахин нэг сарын хугацаатай хорих шийдвэрийг шүүхээс гаргасан. Хууль тогтоогчид энэ асуудалд ямар байр суурьтай байгааг сонирхлоо. УИХ-ын гишүүн Ц.Тувааны байр суурийг хүргэе.

Тэрбээр "1990 оны цагаан морин жилийн ардчилсан хувьсгалаар ард түмэнд олгогдсон эрхүүдийн дотор хэвлэл мэдээллийн эрх чөлөө, үг хэлэх, үзэл бодлоо илэрхийлэх эрх чөлөө байгаа. Төр засагт болж буй үйл явдлыг ард түмний сонорт хүргэдэг дөрөв дэх засаглалын төлөөллийг ямар нэгэн байдлаар эрхийг нь хязгаарлаж хорьж буй асуудлыг буруу гэж үзэж байгаа.

Их хэмжээний мөнгө луйвардсан авлига албан тушаалтнууд гадаадад эрх чөлөөтэй явж байна. Н.Өнөрцэцэгээр дамжуулж мэдээлэл авдаг иргэд мэдэх эрхээрээ хохирч байна. Сонгууль дөхсөн өдрүүдэд хууль бус зүйл хийдэг албан тушаалтнуудын талаар иргэд мэдэж байж сонголтоо зөв хийх боломжтой. Мэдээллээр хангаж буй сэтгүүлчийн амыг нь боож байгаа нь буруу тогтолцоо юм" гэлээ. 

---