“Өмнөговь аймаг, Цогтцэций сум Сийрст багийн Гашуун сухайтын чиглэлд автозамын зорчих хэсгийн хажууд ачааны хоёр автомашин шатаж байна” гэсэн дуудлага өнөөдөр /2024.01.02/ 00:56 цагт онцгой байдлын байгууллад иржээ.

Өмнөговь аймгийн Онцгой байдлын газрын Цогтцэций сум дахь Гал түймэр унтраах, аврах 44 дүгээр ангийн алба хаагчдыг очиход автозамын зорчих хэсэгт “Бэйбэн норд бенз НД4250” загварын хоёр зүтгүүр шатаж байсныг 24 минут ажиллаж унтраасан байна. Уг гал түймэрт  “Бэйбэн норд бенз НД4250” загварын зүтгүүрийн бүхээг дотор нэг хүн өртөж нас барсан байна.

Хэргийг Цогтцэций сум дахь Цагдаагийн хэлтэс шалгаж байна.

---