Нийслэлийн Засаг даргын Тамгын газраас нийтийн тээврийн автобус худалдан авах тендерийг нээлтэй зарлаж, тендерт БНХАУ-ын "Yutong Bus" компани шалгарсан билээ. Тус компани нийт 600 автобус манай улсад нийлүүлнэ.

Эхний ээлжийн 35 автобусыг үйлдвэрлэж, БНХАУ-ын Эрээн хотод авчирсан байна.

Уг автобуснуудыг хүлээж авахаар ажлын хэсгийнхэн ажиллаж байгаа аж. Маргааш гэхэд нийслэл хотод автобуснуудыг авчрах юм байна. Автобуснуудын баталгаат хугацаа 24 сар байх бөгөөд ашиглалтын арван жилийн хугацаанд үйлдвэрлэгчийн зүгээс найдвартай сэлбэг хэрэгслээр хангах үүрэг хүлээх юм байна.

Ирэх оны нэгдүгээр сарын 31 гэхэд 600 автобусыг нийтийн тээвэрт нэвтрүүлнэ гэж Нийслэлийн Засаг дарга Х.Нямбаатар мэдэгдэж буй.

---