Нүүрс олборлолт, борлуулалт, тээвэрлэлт, экспортын үйл ажиллагаа болон бусад бараа, ажил, үйлчилгээ худалдан авалтын үйл ажиллагаанд хяналт шалгалт хийх, нотлох баримтыг шинжлэн судлах нээлттэй сонсгол зохион байгуулах, иргэд, олон нийтийг мэдээллээр хангах, хяналт шалгалтын тайланг танилцуулах үүрэг бүхий Хянан шалгах түр хороо нотлох баримтыг шинжлэн судлах нээлттэй сонсголыг хоёр үе шаттайгаар зохион байгуулж, дуусаад байна.

Нүүрсний сонсголын хүрээнд олон хүний нэр нүүрсний хулгайн хэрэгт холбоотой гэдэг мэдээлэл ил болов. Үүнтэй холбоотойгоор Хууль зүйн сайд, Хянан шалгах түр хорооны дарга Б.Энхбаяр, өөр лүү нь дайралт ирж байгаа хэмээн жиргэжээ.

Хууль зүйн сайд Б.Энхбаяр:

-Маргаашнаас эхлэн “нүүрсний мафи” над руу нэг сарын турш хэвлэлийн атак хийнэ. Одоогийн байдлаар үүнд гурван тэрбум төгрөгийн төсөв (үүний тал нь төрийн өмчийн компаниас халхавч байдлаар гарсан) гаргаад байна гэжээ. 

---