Х.Баттулга гадаад томилолтод яаралтай явсан тул нүүрсний сонсголд очихгүй хэмээн мэдэгдэл ирүүлжээ.

Нүүрсний хулгайн Хянан шалгах түр хорооноос нүүрсний хоёрдугаар шатны сонсгол үргэлжилж байна. Өнөөдрийн сонсголоор "Эрдэнэс Тавантолгой" ХК-ийн санхүүжүүлсэн төмөр замын төслүүдийн талаар мэдээлэл сонсох юм. Хуваарь ёсоор Тавантолгой-Зүүнбаян чиглэлийн төмөр замын төслийн талаар мэдээлэл сонсож байна. 

Тус сэдвийг хэлэлцэхийн өмнөхөн гэрчээр дуудагдсан хүмүүсийн ирцийн мэдээллийг Хянан шалгах түр хорооноос  танилцуулав.

Тэрбээр"Тавантолгой-Зүүнбаян чиглэлийн төмөр замын төсөл сэдвээр нийт 15 гэрчийг сонсголд дуудсан. Ерөнхийлөгч асан Х.Баттулгыг гэрчээр дуудах мэдэгдлийг 2023 оны арванхоёрдугаар сарын 12-ны өдрийн 16:32 минутад мэдэгдэх хуудсыг цахимаар хүргүүлсэн. 

Түүний өмгөөлөгч Д.Пүрэвбаатараас энэ сарын 19-нд "Миний үйлчлүүлэгч Х.Баттулга нь энэ сарын 22-ны өдөр Хянан шалгах түр хорооны сонсголд гэрчээр дуудагдсан. Гэтэл гадаад томилолтод яаралтай явсан байгаа тул очихгүй болохыг мэдэгдэж байна" гэсэн албан бичгийг ирүүлсэн" гэв. 

---