Хянан шалгах Түр хорооноос зохион байгуулж буй нүүрсний хоёр дахь шатны сонсгол Төрийн ордонд үргэлжилж байна.

Өчигдөрийн сонсголоор “Тавантолгой түлш” ХХК-ийн асуудлыг хэлэлцсэн. Энэ үеэр УИХ-ын гишүүн, АН-ын бүлгийн дарга О.Цогтгэрэл “Тавантолгой түлш” ХХК нь 1 их наяд төгрөгийн алдагдалтай байгаа талаар онцолсон юм.

АН-ын бүлгийн дарга О.Цогтгэрэл:

-"Тавантолгой түлш" ХХК нэг их наяд төгрөгийн алдагдалтай, 500 тэрбумын өртэй.  Мөн 1.5 их наядын санхүүжилт төрөөс авсан. Нэг тэрбумыг ТУЗ-ийн урамшуулалд өгсөн байна гэв. 

Мөн тэрээр “Уул уурхайн салбарт бодлогын шинэчлэл хийх шаардлагатайг олон шалтгаан харуулж байна. Монгол Улсын хуулиас давж Бүрэн эрхэт төлөөлөгч /БЭТ/ томилно. Томилсон БЭТ нь тухайн компанийнхаа ТУЗ, бас салбарынхаа ТНБД. Үүнээс харахад л засаглалын шинэчлэл шаардлагатай байгааг харж болохоор байна” гэлээ. 

---