"Эрдэнэс Тавантолгой" ХК-ийн ТУЗ-ийн гишүүн Л.Одхүүгийн хамаарал бүхий "СБМ Хангай" ХХК нь "Тавантолгой түлш" ХК-д 19.6 тэрбумын шуудай нийлүүлжээ.

Түр хорооны дарга Б.Энхбаяр:

-ТУЗ-ийн гишүүн Л.Одхүү нь "Тавантолгой түлш" ХХК-д шуудай худалдан нийлүүлсэн "СБМ Хангай" ХХК-ийн хамаарал бүхий этгээд байна. 2019-2023 онд 19.6 тэрбумын шуудай нийлүүлжээ.

"СБМ Хангай" ХХК-ийн эцсийн өмчлөгч нь С.Бямбасүрэн гэж хүн байгаа. ТУЗ-ийн гишүүн Л.Одхүү нь С.Бямбасүрэнтэй хамтран "МБҮ трейд" компанийг эзэмшдэг.

Харин Л.Одхүүгийн эхнэр Б.Оюунзул нь "Алтан хот" банк бус санхүүгийн байгууллагыг үүсгэн байгуулагчаар улсын бүртгэлд бүртгэлтэй байна. 

"Алтан хот" ББСБ-ыг "Тавантолгой түлш" ХХК-ийн ТУЗ-ийн дарга Ж.Батбаясгалан, Т.Бадамжунай нарын хамтарсан ББСБ бөгөөд эцсийн өмчлөгч нь Т.Бадамжунайгийн охин Б.Оюунбилэг байна. Эдгээр хүмүүс нэгдмэл сонирхолтой гэдэг нь нотлогдож байна. Т.Бадамжунайгаар бүгд холбогдож байна гэв.

---