Өмнөговь аймгийн Ханхонгор сумын Мандах багийн "Хацрын-Ар" гэдэг газар 12 дугаар сарын 18-ны өдрийн 06:00 цагийн орчим иргэн Б нь айлаас гэртээ харихаар гараад сураггүй болсон тухай мэдээллийг 11:30 цагт Онцгой байдлын алба хүлээн авчээ.

Тус аймгийн Онцгой байдлын газрын Эрэн хайх, аврах салбарын алба хаагчид иргэн Б /35 настай, эрэгтэй/-г 12 дугаар сарын 18-ны өдрийн 13:05 цагаас эхлэн эрэн хайх ажиллагааг зохион байгуулж 12 дугаар сарын 19-ний өдрийн 15:54 цагт сумын төвөөс хойд зүгт 18 км, айлаас нь баруун зүгт 9 км-т тус сумын Өгөөмөр багийн "Олон-Овоо" гэдэг газраас цогцсыг нь олж Цагдаагийн хэсэгт шилжүүлэн өгсөн байна.

---