Улаанбаатар-Дубай чиглэлийн шууд нислэг өчигдрөөс /2023.12.16/ албан ёсоор эхэллээ.

Манай улс энэ онд 42 улстай агаарын хэлэлцээр байгуулж дэлхийн 115 цэгрүү шууд нислэг үйлдэх боломжтой болсон. Энэхүү ажлын үргэлжлэл болж Хүннү эйр компанийн УБ-Дубай чиглэлийн шууд нислэг анхны нислэгээ дүүрэн зорчигчтойгоор хийлээ.

ЗТХ-ийн сайд Сандагийн Бямбацогт "Агаарын тээврийн либералчлал амжилттай хэрэгжиж байна. Цаашид долоо хоног бүр нэг удаагийн давтамжтайгаар Улаанбаатар-Дубай чиглэлийн нислэг үйлдэнэ" гэлээ. 

Мөн олон улс болон дотоодын нислэгийн тийзний үнэ 2-3 дахин буурч иргэний нисэхийн салбарт зорчигч тээвэр 3.5 дахин нэмэгдсэн үзүүлэлттэй байна.

---