Олон нийтийн цахим сүлжээнд нийтлэгдсэн бичлэгийн мөрөөр Зөрчлийн тухай хууль зөрчсөн этгээдэд хариуцлага оногдуулна.

Баянзүрх дүүргийн 21 дүгээр хороо нэр бүхий шатахуун түгээх газарт дугаарлаж байсан зарим иргэд хэрүүл маргаан үүсгэж, улмаар бусдын биед халдсан гэх үйлдлийг баримтжуулан Баянзүрх дүүргийн цагдаагийн газрын хоёрдугаар хэлтсээс гомдол, мэдээллийн бүртгэлд хүлээн авч, зөрчил шалгах ажиллагааг эхлүүлсэн.

Иймд Та бүхэн нийтээр дагаж мөрдөх хуулийн хэм хэмжээ, ёс зүйг сахиж, бусдадаа хүндэтгэлтэй, хүлээцтэй хандахыг цагдаагийн байгууллагаас зөвлөж байна хэмээн ЦЕГ-аас мэдээлэв.

Эргэн сануулбал,  24 настай .... нь шатахуун авахаар оочирлох үедээ "Шатахуун өгсөнгүй" гэх шалтгаанаар түгээлтийн ажилтан 44 настай "Б"-ийн биед халдсан хэрэг энэ сарын 10-ны өдөр гарчээ. "Б"-г түлхэж унагаасны улмаас аарцгийн яс нь хугарч, хэвтрийн дэглэмд шилжжээ.

---