УИХ-ын чуулганы хуралдааны үеэр УИХ-ын гишүүн Ш.Адьшаа нүүрсний сонсголтой холбоотойгоор байр сууриа илэрхийлэв.

УИХ-ын гишүүн Ш.Адьшаа:

-Нүүрсний түр хороог анх байгуулах саналыг гаргаж, 26 гишүүнээр гарын үсэг зуруулснаар албажсан. Энэ хүрээнд нүүрсний хулгайг хэрхэн гарсан, юу болсныг төр болон хууль хяналтын байгууллага анхаарч эхэлсэн. Өнөөдөр түр хороо сонсгол хийж, хулгай хийсэн этгээдүүдийг илрүүлж байна. Гэтэл нүүрсний сонсгол анхны зорилгоосоо хазайж олон хүний нэр хүндэд халдаж байгаад харамсаж байна.

Б.Энхбаяр сайд намайг Б.Ганхуягийн төрөл төрөгсдийг Төрийн ордонд оруулж, мэдээлэл хийлгэсэн гэнэ. УИХ-ын гишүүн С.Ганбаатар тухайн хүмүүсийг авчирсан. Харин намайг жижиг Тавантолгойн асуудалд гэрчээр оролцуулна гэсэн ч оролцуулаагүй. Би 2020 онд гишүүн болсноос хойш нэг ч нүүрсний хулгайтай холбогдоогүй гэдгээ хариуцлагатайгаар хэлье. Ингэж гүтгэж болдог юм уу? Увайгүй үйлдлийнхээ төлөө надаас уучлал хүсээрэй гэв. 

---