Цаг уур, орчны шинжилгээний газраас гаргасан аймаг, нийслэлийн гурав хоногийн урьдчилсан мэдээллээс үзэхэд, ойрын өдрүүдэд нутгийн зарим газар эрс дулаарах төлөвтэй байна. Тодруулбал, баруун, төв болон говийн аймгуудын зарим нутгаар хүйтний эрч эрс суларч, өдөртөө нэмэх хэм хүрч дулаарна.

Маргааш буюу энэ сарын 6-ны өдөр Мөрөн хотод 0 хэм, Ховд хотод 2 хэм, Өлгий хотод 5 хэм, Цэцэрлэг хотод 3 хэм, Алтай хотод 4 хэм, Баянхонгорт 1 хэм, Арвайхээр хотод 4 хэм, Харинхорин хотод 2 хэм хүрч, дулаан байх төлөвтэй байна.

Даланзадгад хотод маргааш 4 хэм, Замын-Үүд хотод пүрэв гарагт 8 хэмийн дулаан байна. Ойрын хоёр хоногтоо ихэнх нутгаар хүйтний эрч сулрах аж.

Улаанбаатар хотод маргааш -8 хэм, пүрэв гаригт өдөртөө -2, шөнөдөө -12 хэмийн хүйтэн байна. 

---