Хөгжилд эмэгтэйчүүд зөвлөгөөн төрийн ордонд болж байна. Тус зөвлөгөөнд нийт есөн дүүрэг, 330 сумын 900 гаруй эмэгтэйчүүд оролцож байна.

Монголын эмэгтэйчүүдийн холбооны ерөнхийлөгч Б.Оюунгэрэл:

-Монголын эмэгтэйчүүдийн байгууллага байгуулагдаад 99 жилийн түүхийг үзсэн байна. Монгол улсын анхны тусгаар тогтносон Үндсэн хуулиар хүн бүхэн тэгш эрхтэй байна гэж тунхагласан азийн анхны улс. Эмэгтэйчүүдийн байгууллагын 100 жил гэхээс илүүтэйгээр нийгэм улсын хөгжилд эмэгтэйчүүд хэрхэн оролцсон, цаашдын 100 жилд хэрхэн оролцох талаар зөвлөлдөж байна. Зөвлөгөөнд 21 аймаг 30 сумаас салбар бүрийн төлөөлөл болсон эмэгтэйчүүд ирсэн байна.

Бид авлигал хээл хахууль, ядуурал, хүүхэд хамгаалал, хүний эрхийн асуудал хөндөгдсөн амаргүй цаг үед амьдарч байна. Тэгвэл энэ хүнд цаг үед эмэгтэйчүүд манлайллаа өөр түвшинд авчирч, хамтын ажиллагаагаа бэхжүүлэх асуудал дээр санал сонсож, нэгдсэн уриалга гаргахаар ажиллаж байна.

Би 21 аймгийн 80 гаруй сумаар тойрч ажилласан. Зөвхөн Улаанбаатар хот биш Монгол улсын хэмжээнд утааны асуудал хүнд байна. Тэгэхээр амьсгалж буй агаар, эрүүл мэндийн тусламж үйлчилгээ, боловсролын салбараас хөгжлийг харах цаг ирсэн. Хөгжил гэдэг бол барилга байшин биш сэтгэл зүтгэл, эв нэгдэл манлайлал хамтын ажиллагаа юм.

Монголын эмэгтэйчүүдийн холбооноос санаачлан 'Хавдаргүй монгол эмэгтэй" нийгмийн зорилтот төслийг нэг жилийн хугацаанд дөрвөн аймгийн 62 суманд хэрэгжүүлсэн. 16600 орчим ээжүүд энэ төрлийн тусламж үйлчилгээг авсан. Сумын төв, малчны хот, хилийн застав дээр очиж хавдрын үзлэг оношилгоо хийсэн түүх үүнээс өөр байдаггүй гэлээ. 

---