УИХ-ын чуулганы нэгдсэн хуралдаанаар Шүүх байгуулах тухай хуулийг хэлэлцэж байна. Уг хуулийн төсөлд авлигын эсрэг дагнасан шүүх байгуулах тухай асуудлыг тусгаад буй. Хуралдаанаар гишүүдийн асуултад ХЗДХ-ийн сайд Б.Энхбаяр хариулт өгөв.

Хууль зүй, дотоод хэргийн сайд Б.Энхбаяр:

-Өнгөрсөн хугацаанд илэрсэн том хэмжээний авлигачид анхан шатны шүүхээс цаг хугацаа хождог, хөөн хэлэлцэх хугацааг дуусгадаг, ял завшдаг схем рүү орсон. Тэрбумын их наядын хулгайчид нь хэдэн сая төгрөгөөр торгуулаад л гараад ирдэг. Монгол улсын дээд шүүх шударга ёсны эцсийн цэг мөн юм бол авлигачдад шударга ёсны нүүр царайгаа ил тод харуул. Авлигын шүүх байгуулах хуулийг нүүрсчид хамгийн их эсэргүүцэж байна. Нэг нүүрс тээврийн хуучин машин зах зээлийн үнэ нь хамгийн багадаа 200 сая, дунджаар 350 сая, шинэ нь 420 сая төгрөг. 20 тэрбумын машинтай сэтгүүлч ч байна. Нүүрсний хулгайд бүгд оролцсон байна гэв.

---