Шатахуун хомстол үүссэн асуудлаар салбарын сайдаас тодрууллаа. 

УУХҮ-ийн сайд Ж.Ганбаатар:

-Шатахуун дээр тээвэрлэлт буюу төмөр замын татан авалт дээр асуудал байна. Есдүгээр сарын хориноос өмнө ОХУ-ын бүх төрлийн компаниуд манай улс руу шатахуун нийлүүлдэг байсан бол дэлхий нийтэд хориг тавигдсанаас хойш зөвхөн төрийн өмчийн компаниуд шатахуун нийлүүлж байна. Өвлийн дизель түлш орж ирж байгаа. 97 мянган тонн өвлийн түлш орж ирсэн. Хоригтой бол ингэж орж ирэхгүй.

Шатахуун нийлүүлээгүй 21 хоногийн асуудлыг нэг амьсгаагаар шийдэж чадахгүй байна. Шатахууны тасалдал байхгүй, хэрэглээгээ гүйцэхгүй байна. ОХУ-аас 592 галт тэрэг ачигдаад ирж байгаа. БНХАУ-аас 30 мянган тонн шатахуун мөн орж ирнэ. 

Манай улс өмнө нь хамгийн ихдээ 32 сая тонн нүүрс экспортолж байсан бол энэ жил 62 сая тонн нүүрс экспортолсон байна. Уул уурхайн тээвэрт нийт дизель түлшний 50 хувийг хэрэглэж байна. Үүнийг муу гэж хэлэхгүй. Нефть алтнаас илүү үнэтэй. Ер нь бол хоногийн нөөцөө мэдээлэх нь буруу гэж хувь хүний хувьд үздэг.

Дизель түлшний үнэ цаашид хямдарна. Иймд иргэдийг нөөцлөхгүй байхыг уриалмаар байна гэв.

---