Татварын ерөнхий газраас ирэх оноос хэрэгжиж эхлэх ХХОАТ-ын өөрчлөлтийг хувиараа бизнес эрхлэгчдийн төлөөлөлд танилцуулж байна.

Татварын ерөнхий газрын дарга Б.Заяабал:

-Ирээдүйн татвар төлөгч иргэдийг өнөөдрөөс бэлтгэх ёстой. Ирээдүйд татварын албанд үүсэх зардлыг бууруулах ажлыг хийж хэрэгжүүлж эхэлсэн. Боловсролын шинэчилсэн хуульд татварын талаарх мэдлэг мэдээллийг оруулахаар болсон. Энэ нь ирээдүйн татвар төлөгчдөө бэлтгэх, эерэг нөлөөллөө үзүүлж эхэлнэ гэдэгт итгэлтэй байна.

Аймаг, нийслэл, сум, дүүргийн төсвийг 100 хувийг татвар бүрдүүлдэг. Харин улсын төсвийн 55 хувийг татвар бүрдүүлж байна.

ХХОАТ-ын 10 хувь 2024 оны нэгдүгээр сарын 1-нээс 1 хувь болно. Манай татварын албан зөвлөгөө мэдээлэл арга зүйгээр хангаж ажиллах хэлбэр рүү орж байгаа. Сануулаад тэгээд хамгийн сүүлд торгох арга хэмжээг авч хэрэгжүүлнэ.

Татварын хуулийн дагуу хяналт шалгалт явуулаад акт тавьдаг. Өмнө нь 10 гаруй мянган аж ахуй нэгжийг шалгаж байгаа. Одоо жижиг, бичил аж ахуй нэгжийг түүврийн аргаар шалгаж байгаа. Харин томоохон бизнес эрхлэгчдийг эрсдэлд суурилсан хяналт шалгалтаар шалгадаг.

Татвар төлөгчдийг ялгаатай байдлаар авч үзэж эхэлсэн. Нийгэмд бойжиж байгаа аж ахуйг ялгаатай байдлаар сегментээр авч үздэг болсон. Жижиг бичил аж ахуй нэгж жилдээ нэг удаа тайлан өгнө. Дунд аж ахуй нэгж хоёр удаа, том компаниуд улирал тутамд тайлангаа өгч байгаа. Татварын бүх үйлчилгээ цахим хэлбэрт шилжсэн.

Өмнө нь хувиараа бизнес эрхлэгч заавал нягтлангаар тайлан гаргах ёстой байсан. Харин одоо татварын алба тайлан мэдээллээ хүргүүлдэг болсон. Буцаагаад хянаад татварын алба руу явуулдаг болсон. Ингээд хамтран ажиллаад сайн жишгийг нэвтрүүлсэн. 2019 онд 91 мянган иргэн тайлан өгч байсан бол 2022 онд 293 мянган иргэн тайлан өгсөн байна. Энэ нь өнөөдрийн сургалтын үр дүн гэж үзэж байна. 

Татварын алба нь татвар төлөгчөө мэдлэг мэдээлэлгүйгээс болоод эрсдэл орохоос хамгаалах үүрэгтэй. Тийм учраас татварын хамгийн идэвхтэй харилцаанд ордог машины ченжүүд, гар утас худалдаалдаг иргэдтэйгээ хамтран ажилласаар байна гэв.

---