Дэлхийн бодибилдингийн топ тамирчид оролцдог Olympia Amateur тэмцээний эмэгтэйчүүдийн "Bikini-E" ангилалд Н.Анужин амжилттай оролцож шилдэг таван тамирчны нэгээр нэрлэгджээ.

Тэрээр өөрийн цахим хуудастаа тэмцээнд оролцсон сэтгэгдлээ ийнхүү хуваалцжээ.

"Мэргэжлийн тайзнаас медалиа аваад буугаад ирлээ.Мэргэжлийн Бокс, мэргэжлийн сүмо гэдэг шиг мэргэжлийн бодибилдингд Анухай нь хөл тавилаа. Хамгийн нэр хүндтэй, чансаагаараа хамгийн өндөрт эрэмбэлэгддэг мөрөөдлийнхөө Olympia Amateur мэргэжлийн тайзан дээр гарч "Bikini E" ангилалд орж Top 5-н нэг боллоо. 1 сарын хугацаанд тасралтгүй 4 тэмцээнд дараалан орж, өөрөөсөө бүхий л нөөц бололцоогоо гарган орсон үнэхээр тамирчны сэтгэл зүйгээрээ давсан гайхалтай аялал байлаа. Мэргэжлийн түвшинд гарч ирсэндээ үгээр хэлэхийн аргагүй баярлаж байна" гэжээ. 

---