Говь-Алтай аймгийн Шарга сумын Баянгол багийн “Ээвийн гүүр” гэдэг газар суудлын автомашин авто замын хажуугийн жалга руу орж, 2 хүн гэмтсэн тухай дуудлага мэдээлэл энэ сарын 14-ний өдрийн 22:44 цагт ОБГ-т иржээ. 

Дуудлагын дагуу тус сум дахь Цагдаагийн хэсгийн төлөөлөгчийн ахалсан Засаг даргын Тамгын газрын ажилтнуудыг тус газарт очиход Ховд аймгаас Улаанбаатар хотын чиглэлд 4 зорчигчтой зорчиж явсан иргэн Г-ын “Ланд крузер прадо-150” загварын суудлын автомашин автозамын хажуугийн жалга руу орж иргэн С /72 настай, эрэгтэй/, Ц /69 настай, эмэгтэй/ нар гэмтжээ.

Иргэдийг аймгийн Нэгдсэн эмнэлэгт хүргэж өгчээ.

---