Гадаадын хөрөнгө оруулалттай компанийн захиралд хуурамч бичиг баримт үзүүлж, зээл олгоно гэж итгүүлэн 1.8 тэрбум төгрөг залилсан хэрэг гарчээ.

Эрүүгийн цагдаагийн албанаас иргэн “Б” нь гадаадын хөрөнгө оруулалттай нэр бүхий компанийн захиралд хуурамч бичиг баримт үзүүлэн их хэмжээний санхүүжилт авч байгаа, тухайн хөрөнгөөс 40 сая ам.долларын зээл олгоно гэж итгүүлэн 1.8 тэрбум төгрөг залилжээ.

Тухайн үйлдэлд Эрүүгийн хуулийн тусгай ангийн 17.3 дугаар зүйлийн 2 дахь хэсгийн 2.2-т зааснаар эрүүгийн хэрэг үүсгэж, яллагдагчаар татан, учруулсан хохирлоос 1.4 тэрбум төгрөгийн хохирлыг нөхөн төлүүлж, хэргийг шүүхэд шилжүүлэх саналтай прокурорт хүргүүлжээ.

---