Ховд аймгийн Мөнххайрхан сумын Алаг багийн “Өвөлжин” гэдэг газар иргэн Ж нь энэ сарын 11-ний өдрийн 17:00 цагийн орчимд гэрээсээ гараад сураггүй болсон тухай дуудлага мэдээлэл энэ сарын 12-ны өдрийн 08:05 цагт Онцгой байдлын газарт иржээ.

Дуудлагын дагуу тус сумын мэргэжлийн ангийн алба хаагчид орон нутгийн 16 иргэнтэй хамтран иргэн Ж /41 настай, эрэгтэй, хөгжлийн бэрхшээлтэй/-ыг эрэн хайх ажиллагааг 11-р сарын 12-ны өдрийн 07:25 цагаас зохион байгуулжээ. Ингээд мөн өдрийн 13:35 цагт гэрээс нь 10 км-т “Нарийн дэв” газраас эсэн мэнд олж, ар гэрийнхэнд нь хүлээлгэн өгсөн байна.

---