Нүүрсний хэргийг Хянан шалгах түр хороо өнөөдөр хуралдлаа. 

Нүүрсний хэргийн сонсгол зохион байгуулах асуудал бараг жилийн өмнөөс яригдсан ч хойшилсоор ирсэн юм. Тэгвэл нээлттэй сонсголыг арванхоёрдугаар сарын 4-ний өдөр зохион байгуулахаар урьдчилсан тов гарчээ.

Хянан шалгах түр хорооны гишүүн Т.Доржханд энэ асуудлаар байр сууриа илэрхийлэхдээ “Эрдэнэс Тавантолгой компанийн худалдан авах ажиллагаа болон гүйлгээг нь нягтлах, хянан шалгах шаардлага байна. Хөндлөнгийн шинжээч тавих ёстой. Нүүрсний сонсголд гэрчээр дуудагдах хүмүүсийн 70-аас дээш хувь нь эрх баригч намынх. Намынхандаа халдаж чадахгүй бол надад хэлчих хэрэгтэй. “Би арьсыг нь хуулаад өгье гэж” Б.Энхбаярт хэлж байгаа” гэв.

---