Төв цэвэрлэх байгууламжийн лаг дахин боловсруулах төслийн ТЭЗҮ боловсруулах ажлын дундын тайланг танилцуулав.

Нийслэлийн Төв цэвэрлэх байгууламжийн лаг дахин боловсруулах төслийн ТЭЗҮ боловсруулах ажлыг БНСУ-ын санхүүжилтээр өнгөрөгч есдүгээр сард эхлүүлсэн билээ.

Өнөөдөр /2023.11.07/ БНСУ-ын Пёксан инженеринг, Трий байгаль орчин, цахилгаан, инженеринг корпораци, Кымган С.Н.Т компанийн холбогдох албаны хүмүүс Лаг хатаах үйлдвэрийн ТЭЗҮ-ийн дундын тайланг тавилаа. Тус хуралд Улаанбаатар хотын хөгжлийн корпораци ХК-ийн Гүйцэтгэх захирал Н.Баярчимэг болон УСУГ-ын холбогдох инженерийн албаны хүмүүс оролцож байна.

Улаанбаатар хотноо өнгөрсөн дөрөвдүгээр сард болсон Улаанбаатар-Олон улсын хөрөнгө оруулалт, түншлэлийн форумын үеэр Ус сувгийн удирдах газар, БНСУ-ын Кымган корпораци, “Улаанбаатар хотын хөгжлийн корпораци” ХК гурван талт санамж бичиг байгуулсан. Энэ хүрээнд БНСУ-ын "Keumkang-Three ENC" корпорациас Улаанбаатар хотод Лаг дахин боловсруулах үйлдвэр барих ТЭЗҮ боловсруулах санхүүжилтийг олгохоор шийдвэрлэсэн

ТЭЗҮ боловсруулах ажлын хүрээнд БНСУ-ын группүүдийн нэгдсэн холбооноос 90 сая вон, "Keumkang-Three ENC" корпорациас 210 сая воны санхүүжилт олгохоор харилцан тохиролцож, долоодугаар сарын 28-нд талууд гэрээ байгуулаад байна. ТЭЗҮ-г ирэх оны нэгдүгээр сард эцэслэн, хүлээлгэн өгнө.

“УЛААНБААТАР ХОТЫН ХӨГЖЛИЙН КОРПОРАЦИ” ХК

 

---