Нийслэл хотод өнөөдөр орсон цасны улмаас замуудад халтиргаа гулгаа үүсэж, зуслангийн чиглэлийн зарим өгсүүр зам цасанд боогджээ. Тээврийн цагдаагийн албанас өнөөдөр 21:30 цаг орчмоос эхлэн Гүнт чиглэлийн замын хөдөлгөөнийг хаалаа.

Халтиргаа гулгаанаас сэргийлэх зорилгоор нийслэлийн хэмжээнд зам цэвэрлэгээний 24 байгууллагын 560 ажилтан 67 машин техниктэйгээр өгсүүр, алслагдсан, зуслангийн замуудад 243 тонн давс, 38.5 тонн тусгай зориулалтын бодис цацаад байна. Өнөөдрийн байдлаар нийслэл 604.4 тонн давс, 2753.8 тонн бодисын нөөцтэй байна.

---