Баянзүрх дүүргийн 3 дугаар хороо, 33 дугаар сургуулийн орчимд “Хүүхдүүд зодолдсон байна” гэх дуудлага, мэдээлэл Цагдаагийн байгууллагад 2023 оны 10 дугаар сарын 26-ны өдөр бүртгэгджээ.

Тус дүүргийн цагдаагийн газрын хоёрдугаар хэлтсээс тус мэдээллийг шалгахад ерөнхий боловсролын 33 дугаар сургуулийн ахлах ангийн 10-12 дугаар ангийн сурагчид сагсан бөмбөгийн тэмцээний үеэр нэгийгээ бөмбөгөөр оносноос улбаалан хоорондоо маргалдаж эхэлсэн байна. Ингээд тэмцээн тарсны дараа 30 гаруй хүүхдүүд хоорондоо зодолдсон нөхцөл байдал урьдчилсан байдлаар тогтоогдож, мөрдөн шалгах ажиллагааг явуулж байна.

---