АН-д өнгөрсөн хавраас эхлэн улс төрийн клуб шинээр нээгдэх болсон. АН-ын дэргэдэх "Олуулаа” клубын нээлт өчигдөр болж, үйл ажиллагаагаа сэргээж буйгаа зарласан байна. 

Тус клубын нээлтэд АН-ын дэд дарга С.Баярцогт, АН-ын ҮБХ-ны дарга Ж.Батсуурь, нийтлэлч Б.Баабар нар оролцож, үг хэлжээ. "Олуулаа” клубыг 2000 онд Монгол Улсын Ерөнхийлөгч асан Ц.Элбэгдорж анх санаачилж байсан бөгөөд сүүлийн үед үйл ажиллагаа нь зогсоод байжээ.  

Тэгвэл УИХ-ын ээлжит сонгууль ойртсонтой холбогдуулан улс төрийн үйл ажиллагаагаа ийнхүү идэвхжүүлж буй аж.

Тус клубын нээлтэд Ерөнхийлөгч асан Ц.Элбэгдорж цахимаар оролцож, мэндчилгээ дэвшүүлсэн байна. “Олуулаа” клубыг АН-ын дэд дарга Ч.Өнөрбаяр удирдах юм.

Ц.Элбэгдорж, С.Баярцогт нар намдаа улс төрийн нөлөөллөө тогтоох үүднээс ийнхүү "Олуулаа” клубын үйл ажиллагаагаа сэргээж буй бололтой. 

---