Монголын сагсан бөмбөгийн холбооны удирдах зөвлөл өчигдөр /2023.10.31/ хуралдаж, тамирчдын "Ирээдүй" холбооноос гаргасан хүсэлтийг хүлээн авахаар болжээ.

Сагсан бөмбөгийн тамирчдын "Ирээдүй" холбооноос нэг лигт нэгдэн өрсөлдөх хүсэлтэйгээ илэрхийлж хэвлэлийн бага хурал зарласан. Тэд Монголын сагсан бөмбөгийн холбоо, Сагсан бөмбөгийн эздийн холбооны үл ойлголцлоос болж тамирчин, тоглогчдын эрх ашиг хохирч байна гэж мэдээлэл хийгээд байсан юм.

Тэгвэл Монголын сагсан бөмбөгийн холбооны удирдах зөвлөл өчигдөр /2023.10.31/ хуралдаж, асуудлыг нэг талд гарган шийдвэрлэжээ. Тодруулбал, "Эрдэнэтийн Уурхайчид", "Завхан Бродерс", "Тэнүүн-Өлзий Металл", "Би Эйч Си Гарьд", "Ай эйч Си Эйпс" зэрэг таван багуудад дээд лигийн тэмцээнд оролцох эрх олгосон байна.

Тамирчдын "Ирээдүй" холбооноос гаргасан хүсэлт болон тамирчдын эрх ашгийг хамгаалах, нийт тамирчдыг Лигийн тэмцээнд оролцуулах боломжийг хангах, сагсан бөмбөгийн спортын үзэгч, дэмжигчдийн хүсэл сонирхлыг хүндэтгэн МСБХ дараах шийдвэрийг гаргажээ.

 

Мөн Монголын сагсан бөмбөгийн холбооны удирдах зөвлөл Үндэсний дээд Лигийн тэмцээнийг зохион байгуулах журмын 2.4, 2.6, 2.7-д заасан зөрчлүүд, багуудтай байгуулсан "Хамтран ажиллах гэрээ"-ний 3.2.9, 6.2-д заасан заалтыг зөрчсөн нь багийн тамирчид, үзэгч, дэмжигчдийн эрх ашгийг хохироож буй тул Лигийн журмын хариуцлагын 3.3-т заасны дагуу доорх нэр бүхий хүмүүсийн МСБХ-ноос зохион байгуулах аливаа үйл ажиллагаанд оролцох эрхийг 2026 оны 12-р сарын 31-ний өдрийг дуустал хугацаанд хасахаар шийдвэрлэжээ.

---