Орхон аймгийн Баян-Өндөр сумын Баянцагаан багт ноос, ноолуур самнах төхөөрөмжид нэг хүн хавчуулагдсан тухай дуудлагыг Онцгой байдлын газар 10.31-ний өдрийн 19:09 цагт хүлээн авчээ.

Дуудлагын дагуу тус аймгийн Онцгой байдлын газрын Эрэн хайх, аврах бүлгийн алба хаагчид 1 км замыг туулан 19:12 цагт очиход ноос, ноолуур самнах төхөөрөмжид тус цехийн засварчин Б /эрэгтэй, Орхон аймгийн Баян-Өндөр сумын иргэн/ хавчуулагдаж нас барсан байжээ. Тус иргэний цогцсыг гаргаж, аймгийн Цагдаагийн газрын Мөрдөн байцаах тасагт шилжүүлэн өгчээ.

---