Монгол Улсын хилийн халдашгүй дархан байдлыг сахин хамгаалж буй хилчдэд хангалт тээврийг зохион байгуулдаг Хилийн цэргийн 0164 дүгээр ангийг хүнд даацын автомашинуудаар хангалаа.

Хил хамгаалах байгууллага авто машины парк шинэчлэлтийн хүрээнд 2021 онд БНХАУ-д үйлдвэрлэгдсэн 50 тонн даацтай, 140 км цагийн дээд хурдтай ачаа тээврийн шинэ загварын ФАВ авто машин зургаан ширхгийг хүлээн авч, хилчин тээвэрчиддээ гардуулан өглөө.

Ингэснээр эх орныхоо дөрвөн зүг найман зовхист тээвэр хангалтыг зохион байгуулдаг онцлогтой тус ангид хүнд даацын авто машин олноор ирснээр тээвэрлэлтийг шуурхай зохион байгуулах нөхцөлөөр хангагдлаа

---