Улаанбаатар хот, Баянзүрх дүүргийн 37 дугаар хороонд гэр шатаж байна гэх дуудлага онцгой байдлын газарт 10.23-ны өдрийн 22:57 цагт иржээ.

Тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид 5 км замыг туулан 23:11 цагт очиход иргэн Т-ын 5 ханатай гэр, эд хогшил бүрэн шатаж байсныг таван минут ажиллаж унтраажээ.

Уг гал түймэрт иргэн Т/41 настай, эрэгтэй, Дорнод аймгийн харьяат/, овог, нэр тодорхойгүй 1 иргэн, нийт хоёр хүн өртөж амиа алджээ.

Иргэд та бүхэн хүйтэн, сэрүүний улирал эхэлж буйтай холбоотойгоор ард иргэд дулаалга, галлагааг эрсдэлгүй хийж, зуух, яндангийн хэвийн ажиллагааг тогтмол шалган, болзошгүй аюулаас өөрийгөө болон гэр бүлээ хамгаалахыг анхааруулж байна.

---