Зам тээврийн осол болон иргэдийн хайхрамжгүй, хэнэггүй байдлаас болж өнгөрсөн амралтын өдрүүдэд цөөнгүй хүн золгүй тохиолдлоор амиа алджээ.

Тухайлбал, Өмнөговь аймгийн Ханбогд сумын Цагаан хад суурьшлын бүсэд үйл ажиллагаа явуулдаг компанийн бохирын цооногт хоёр эмэгтэй унаж амиа алджээ. Өвөрхангай, Дундговь аймагт оршин суух хаягтай, Ханбогдод ажиллахаар ирсэн 33, 51 настай эмэгтэйчүүд согтууруулах ундаа хэрэглэсэн үедээ гурван метр гүн бохирын цооног нүхэнд унаж нас барсан байна.

Мөн Сэлэнгэ аймгийн Баянгол сум буюу Баруунхараагийн нутаг, Дархан-Уул аймгийн Шарынгол сум руу салдаг уулзварт ачааны тээврийн хэрэгслийн хойноос суудлын автомашин мөргөж, хоёр хүн амиа алдсан осол энэ сарын 22-ны 22.50 цагийн үед гарчээ. 

---