ТҮЦ эрхлэгчид тэмцлийн хурц хэлбэрт шилжиж байгаа мэдэгдэв.

ТҮЦ эрхлэгчид: 

-Иргэдийн амьдралын боломжийг хулгайлах гэж оролдож байна. Ногоон автобусыг луйвардсан шигээ бидний асуудлын луйвардахыг эсэргүүцэж өөрсдөө ногоон өнгөөр хувцаслаж, ТҮЦ-ээ ногоон даавуугаар бүрсэн. Бидний ТҮЦ-ийг буулгаад шилэн буудал хийнэ гэдэг мэдээлэл байна. Дулаан зогсоолыг бий болгоно гэж байгаа ч тэнд хэдэн архичид л орогнодог болно. Харин ТҮЦ байгаа тохиолдолд иргэдийг халуун хүйтэн цайгаар үйлчилж байна, бороо уснаас хамгаалж байна. Мөн үүний цаана хэчнээн хүний амьдрал амь амьдрал байгаа билээ. Гэхдээ тэр шилэн байгууламж гэдэг нь мөнгө угаалтын нэг хэлбэр гэсэн үг. Бидэнд алдах зүйл байхгүй учраас айхгүй, үр хүүхдүүдийн төлөө тэмцэнэ. Намын байрны гадна очиж жагсана. Өлсгөлөн зарлана.

-Бид ганц ТҮЦ ярих гээгүй. Хотын дарга Х.Нямбаатар гаргасан шийдвэрээ эргэн харах ёстой. Өнөөдөр зөвхөн ТҮЦ-ийг буулгана гэж байгаа боловч дараа нь зургаан нэрийн дэлгүүр, үсчин, цайны газар, гоо сайхан, авто угаалга, засварын газрууд гээд зам дагуух өргөтгөл хийсэн бүх газруудыг зогсооно гэсэн. Манай улсад үйлдвэр байхгүй, худалдаа наймаа эрхэлье гэхээр газар өгөхгүй, зөвшөөрөл өгөхгүй гэх юм. Бид Монгол Улсдаа эрх чөлөөтэй ажиллаж амьдарч, үр хүүхдээ өсгөж хүмүүжүүлмээр байна. Өрийн сүлжээ аль хэдийн үүсчихсэн, ТҮЦ-ийг минь буулгасан тохиолдолд бид цаасан хайрцаг дээр суугаад наймаа хийнэ. 

-Иргэн баян байж улс баян болно. Иргэнээ хөгжүүлэх тал дээр анхаарч ажиллуулж чадахгүй байж хотын тохижилт яриад байх юм. Биднийг зайлуулчих юм бол улс эх орон сайхан болох гээд байгаа юм уу? Яг ТҮЦ-үүд хэнд ямар гай тарьсан бэ гэдгийг гайхаж байна. Нийтийн эзэмшлийн талбайд хоёр ТҮЦ байхад яг юу нь болохгүй байгааг үнэхээр ойлгохгүй байна.

-Бидний хувьд автобус болгон дээр арван ТҮЦ байлга гээгүй. Хоёр ширхэг ТҮЦ-ийг стандартын дагуу байлгаж өгөөч ээ гэж хүссэн. Монголын иргэн бүр сэтгэл нь тогтворгүй, нийгэм улам стресстэй байна. Эсвэл биднийг эх орноосоо зайл гэж хэл. Энэ асуудлыг шийдгэтэл эцсээ хүртэл тэмцэнэ гэв. 

---