Цагаан хад суурьшлын бүсэд хоёр эмэгтэй бохирын худагт унаж харамсалтайгаар амь насаа алджээ. 

Өмнөговь аймгийн Ханбогд сум, Хайрхан 5 баг Цагаан хад суурьшлын бүсэд “Бохирын цооногт хоёр хүн унасан” гэх дуудлага, мэдээлэл цагдаагийн байгууллагад 2023 оны 10 дугаар сарын 20-ны өдрийн 04 цаг 40 минутад бүртгэгджээ.

Дуудлагын дагуу тус аймгийн цагдаагийн газраас шалгахад 33-51 насны хоёр эмэгтэй “Э” гэх компанийн бохирын худагт унаж, харамсалтайгаар амь насаа алдсан байжээ. Тус хэрэгт мөрдөн шалгах ажиллагаа явуулж байна.

---