Дархан-Уул аймгийн DBS телевиз нэгэн гэр бүлийн гурван хүү нэгэн зэрэг цэргийн албанд мордож байгаа баярт үйл явдлыг сурвалжлан хүргэжээ. Тус аймгийн харьяат Алтанбаганых долоон хүүхэдтэй бөгөөд Наранбат, Ариунбат, Ариунбаяр нар намрын цэрэг татлагад тэнцэж, ийнхүү нэг дор алба хаахаар болж байгаа аж. 

А.Наранбатын хувьд цэргийн албанд мэргэн буучаар мэргэших хүсэлтэй байгаа аж. Аав нь тэдэнд "Цэргийн албаа нэр төртэй хаагаад улс эх орондоо хэрэгтэй хүн болоорой" хэмээн ерөөжээ. Аав Алтанбагана "Хоёр хүүхэд маань цэрэг цагдаад ажилладаг. Гурван хүү маань цэргийн албаа хаагаад ирсний дараа цэрэг цагдаад орж магадгүй. Өөрсдөө их сонирхолтой байдаг" гэв. 

Ээжийнх хувьд хүү нараа "Даруухан, ажилсаг" хэмээн тодорхойлж байна. Том ах нь оюутан болж бие даасан учир хоёр дүүгээ хариуцаад, цэргийн албаа нэр төртэй хаана хэмээн итгэж байгаа аж. 

---