D-Өргөдөл буюу нийтийн цахим өргөдөл, гомдлын системийн талаар УИХ-ын дарга Г.Занданшадар өнөөдөр танилцууллаа.

”D өргөдөл” систем ашиглалтад орсноор иргэн хүн хуулийн төслийн саналаа байршуулаад, түүнийг нь 100 мянган хүн дэмжсэн санал өгсөн нөхцөлд хуулийн төслийг УИХ-д өргөн барих боломжтой ажээ.

Тодруулбал, тухайн саналыг 30 хоногийн хугацаатай цахим системд нээлттэй байршуулах аж. Ажлын хэсэг байгуулах иргэний саналыг 33 мянга ба түүнээс дээш тооны иргэн дэмжсэн,  Байнгын хорооны эрхлэх асуудлын хүрээнд хяналт шалгалт явуулах саналыг 70 мянга ба түүнээс дээш тооны иргэн дэмжсэн бол, хуулийн төслийн талаарх саналыг 100 мянга ба түүнээс дээш тооны иргэн дэмжсэн бол санал авах үйл ажиллагааг хугацаанаас өмнө дуусгавар болгох юм байна.

Хуулийн төсөл өргөн барих эрх нь УИХ, Ерөнхийлөгч, Засгийн газарт л хадгалагдаж ирсэн бол иргэд ”D өргөдөл” системээр дамжуулан саналаа нэгтгэж чадвал ийнхүү хуулийн төсөл санаачлах эрх нээгдэж буй аж.

---