Нийслэлийн Сонгинохайрхан дүүрэгт байшин шатаж, нэг хүн амиа алджээ.

Тодруулбал, Сонгинохайрхан дүүргийн 26 дугаар хороо, Мандал-Овоогийн 39 дүгээр гудамжинд байшин шатаж байна гэсэн дуудлага  аравдугаар сарын 16-ны өдрийн 07:04 цагт Онцгой байдлын газар хүлээн авчээ.

Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид 6 км замыг туулан 07:15 цагт  очиход тус тоотод иргэн О-ын 4х6 метрийн хэмжээтэй байшингийн дотор талын хана таазны хэсэг, эд зүйл шатаж байсныг 20 минут ажиллан унтраажээ. Тус гал түймэрт 30 настай, эрэгтэй өртөж нас барсан байна.

---