Өмнөговь аймгийн Манлай сумын Өгөөмөр багийн “Хүрэн дэл” гэдэг газар ачааны автомашины араас бага оврын ачааны автомашин мөргөж нэг хүн автомашины эд ангид хавчуулагдан нас баржээ.

Энэ тухай дуудлага мэдээлэл /2023.10.12/-ны өдрийн 20:19 цагт Онцгой байдлын газарт ирсэн иржээ. Ингээд тус аймгийн Онцгой байдлын газрын Ханбогд сум дахь Гал түймэр унтраах, аврах 66 дугаар ангийн алба хаагчид 157 км зам туулан 00:30 цагт очиход Дорноговь аймгийн Хатанбулаг сумаас Өмнөговь аймгийн Ханбогд сумын чиглэлд иргэн О-ийн жолоодож явсан зүтгүүрийн араас мөн чиглэлд 2 зорчигчтой иргэн И-ын жолоодож явсан ‘Портер” загварын бага оврын ачааны автомашин мөргөжээ.

Ослын улмаас нийслэлийн Баянзүрх дүүргийн 2 дугаар хорооны харьяат иргэн А/60 настай, эрэгтэй/ нас барсан байсан тул цогцсыг гарган, цагдаагийн байгууллагад шилжүүлэн өгсөн байна.

---