Нийслэлийн ИТХ-ын ээлжит бус XV хуралдаан өнөөдөр /2023.10.12/ 12:00 цагт Нийслэлийн Хангарди ордонд эхэллээ. Хуралдаанаар НИТХ-аар Х.Нямбаатарыг Нийслэлийн Засаг дарга бөгөөд Улаанбаатар хотын захирагчаар томилогдох асуудлыг хэлэлцэж байна.

НИТХ дахь АН-ын бүлгийн дарга Б.Эрдэнэсүх хэлэлцэж буй асуудалтай холбогдуулан санал гаргав.

Тэрбээр, МАН өнгөрсөн сонгуулиар "Хүчээ нэгтгэе" уриатайгаар орж ирсэн ч хүч нь нэгдэхгүй байсаар хотын дарга огцорлоо. Хамт хариуцлага хүлээлгэх үүднээс НИТХ-ын дарга Ж.Батбаясгаланг огцруулах санал гаргаж байгаа тул хэлэлцэх асуудалд оруулж өгнө үү гэв.

НИТХ-ын дарга Ж.Батбаясгалан "Хуулиа уншаарай. Хяналт тавьдаггүй юм. Хурал өөрөө хяналт тавьдаг учраас огцорвол бүгд огцорно. Өргөн барих асуудал байх. Хэлэлцэх асуудлыг одоо ярьж байна. Санал гаргаад огцордоггүй юм" гэв. 

---