Баян-Өлгий аймгийн Ногооннуур сумын малчин Е нь аравдугаар сарын 2-ны өдрийн өглөө “Ачит” нуурын орчим малаа хариулж яваад сураггүй болж, унаж явсан морь нь гэрийнхээ гадна гүйж ирсэн тухай дуудлага мэдээлэл аравдугаар сарын 3-ны өдөр онцгой байдлын байгууллагад ирсэн байна.

Дуудлагын дагуу орон нутгаас эрэн хайх ажиллагааг зохион байгуулж үр дүнд хүрээгүй тул нуурын усанд осолдсон байж болзошгүй хэмээн үзэж, хүч нэмэгдүүлэн ажиллажээ.

Баян-Өлгий аймгийн Онцгой байдлын газрын Гал түймэр унтраах, аврах 31 дүгээр анги, Эрэн хайх, аврах бүлгийн алба хаагчид аравдугаар сарын 4-ний өдөр Ачит нууранд эрэн хайх ажиллагааг зохион байгуулж, 40 настай, эрэгтэй Е-гийн цогцсыг гарган авсан байна. Талийгаачийн цогцсыг Ногооннуур сум дахь Цагдаагийн тасагт шилжүүлэн өгчээ. 

---