Дорноговь аймагт алга болсон охиныг олдсон гэх худал мэдээлэл нийтэлсэн цагдаагийн алба хаагчид хариуцлага тооцжээ.

Тодруулбал, Нийтийн хэв журам хамгаалах, олон нийтийн аюулгүй байдлыг хангах албаны "Админ" эрхтэй алба хаагч нь Дорноговь аймагт алга болсон охиныг олдсон гэх мэдээллийг ЦЕГ-ын цахим хуудсанд нийтэлсэн юм. Энэхүү мэдээлэл нь худал мэдээлэл байсан бөгөөд тус алба хаагчид хариуцлага тооцжээ.

Түүнчлэн түүнд хяналт тавих эрх бүхий удирдах албан тушаалтанд Цагдаагийн албаны тухай хуулийн 81 дүгээр зүйлд заасан сахилгын шийтгэл оногдуулж, цаашид тус албаны цахим хуудсыг ашиглахгүй байхаар шийдвэрлэжээ. 

---