“Дулааны цахилгаан станц-3” төрийн өмчит хувьцаат компанийн гүйцэтгэх захирал Л.Эрхбаатарт холбогдох хэргийг АТГ-ын Мөрдөн шалгах хэлтсийнхэн нэмж шалгаж дуусжээ.

Тиймээс яллах дүгнэлт үйлдүүлж шүүхэд шилжүүлэх саналаа илэрхийлэн НПГ-т хэргийг нь хүргүүлээд байна. Л.Эрхбаатарыг 2022 оны есдүгээр сард бусдаас хахууль авч байх үйлдэл дээр нь хууль сахиулах байгууллагынхан саатуулсан билээ.

2022 оны зургадугаар сарын 24-нд “ДЦС-3”-аас зарласан “Өрлөг дулаалгын материал (багц-2)”-ын нийлүүлэгчийг сонгон шалгаруулах 738 сая төгрөгийн үнийн дүнтэй тендерт “Хасу-Эрчим” ХХК оролцож шалгарсан бөгөөд захирал, Аж үйлдвэрийн гавьяат ажилтан Б.Бат-Эрдэнэ 30 сая төгрөг өгсөн байдаг. Уг нь 100 саяыг өгөхөөр тохиролцоод урьдчилгааг нь өгсөн гэх мэдээлэл бий.

---