ТЕГ нь улс, нийслэл, аймаг, дүүрэг, сумын нийт таван төсвийн орлогоо биелүүлэн ажиллажээ.

Хариуцлагатай татвар төлөгчдийг нэмэгдүүлж, төр талаасаа хууль хэрэгжүүлэх зардлыг бууруулах, нээлттэй ил тод ажиллах, татвар төлөгчид учруулах хүндрэл, чирэгдлийг бууруулах зорилгоор “Татварын скоринг” тооцож татвар төлөгчдөд мэдээлдэг боллоо.

Мөн ”Татварын эрсдэлийн үнэлгээ”-г ил тод нээлттэй болгосноор төрийн үйл ажиллагаа нээлттэй, ойлгомжтой болсон ба татвар төлөгч өөрөө татварын эрсдэлээ урьдчилан мэдэж, урьдчилан сэргийлэн ажиллах боломжийг бүрдүүлжээ.

Татвар төлөгчидөд татварын хууль тогтоомжийн талаар мэдээлэл, сурталчилгаа, арга зүйгээр хангах сургалт, уулзалтыг тогтмолжуулж хамтын ажиллагааг сайжруулан ажиллаж байна.

---