Мянганы сорилтын II Компакт гэрээний хүрээнд “Усны үнэ цэнэ, үйлчилгээний бодит өртгийн талаарх олон нийтийн ойлголт мэдлэгийг сайжруулж, хэвшил хандлагыг өөрчлөх” төслийн дизайныг боловсруулж буй Монголын МСС-ийн зөвлөх Азийн сан нь Ус хангамж, ариутгах татуургын үйлчилгээ үзүүлэгч байгууллагуудын хэрэглэгчдэд үзүүлэх үйлчилгээг сайжруулахад чиглэсэн ажлын дизайны төслийн хэлэлцүүлгийг зохион байгуулж байна.

Хэлэлцүүлгийг АНУ-ын Мянганы сорилтын корпорацын Жендэр, нийгмийн оролцоог хангах асуудал хариуцсан захирал Шэрон И.Рожерс, Азийн сангийн Суурин төлөөлөгч Марк Кэйниг нар нээлээ.

Уулзалт хэлэлцүүлэгт УБЗАА-ны Хотын инженерийн байгууламжийн хэлтэс, Хот, суурины ус хангамж, ариутгах татуургын ашиглалт, үйлчилгээг зохицуулах зөвлөл, УСУГ, ОСНААУГ, хувийн конторуудын төлөөлөл оролцож байна.

---