ШӨХТГ болон МОСДХ-ны Хуулийн зөвлөл хамтарсан уулзалт зохион байгуулжээ.

Энэхүү уулзалтаар ШӨХТГ болон Монголын олон суваг дамжуулагчдын холбоо хэрэглэгчдийн эрх ашгийн төлөө хамтран ажиллах талаар санал солилцжээ. Тухайлбал, хэрэглэгчдээс ирж буй санал гомдлыг шийдвэрлэхэд анхаарахыг чухалчилж, холбогдох хууль, дүрэм журмуудыг иргэдэд хүргэх, соён гэгээрүүлэх ажлын хүрээнд хамтрах чиглэлээр санал солилцсон байна.

Цаашид санамж бичиг, хамтын ажиллагааны хүрээнд хэрэглэгчийн эрх ашгийг хохирохоос урьдчилан сэргийлэхэд хамтарч ажиллана. Мөн олон суваг дамжуулах үйлчилгээ эрхлэгчдэд тулгамдаж буй асуудалд зөвлөмж өгөх, асуудлыг шийдвэрлэхэд оролцогч талуудын төлөөллийг хамруулан ажлын хэсэг байгуулан хамтарч ажиллахаар болжээ.

---