Ардчилсан намын даргаар сонгогдоод хэдхэн сарын нүүр үзэж байгаа Л.Гантөмөр дотоод бүтэц, зохион байгуулалт, сонгуулийн бэлтгэл ажил руугаа ханцуй шамлан оржээ. Юуны түрүүнд Э.Бат-Үүлийг Нийслэлийн Ардчилсан намын даргаас зайлуулжээ. 

Ингээд Нийслэлийн АН-ын даргаар Сүхбаатар дүүргийн Засаг дарга асан Д.Бадарсан томилогдож, үүрэг гүйцэтгэгчээр нь Э.Одбаярыг томилжээ. Энэ талаар Эрдэнийн Бат-Үүл: 

-Уг нь дүрэмтэй л дээ. Намын дарга Л.Гантөмөр, Х.Баттулгатай тохирсон уу, Д.Сумьяабазарт дийлдсэн үү, манай нам дахь люмпенжсэн хэсэг залуустаа тал зассан уу. Ямар ч байсан намайг Нийслэлийн Ардчилсан намын даргаас зайлуулжээ. 2024 оны нийслэлийн сонгуульд хэрхэхийг Л.Гантөмөр мэдтүгэй! Амжилт хэмээн бичжээ. 

---