Хөнгөнатлетикийн 19 дэх удаагийн дэлхийн аварга шалгаруулах тэмцээн Унгар улсын Будапешт хотноо үргэлжлэн явагдаж байна.
Энэ удаагийн ДАШТ-д манай улсаас марафоны төрөлд Ж.Олонбаяр, Ц.Бямбажав, МУГТ Б.Сэр-Од, Г.Хишигсайхан нарын дөрвөн тамирчин хүч үзэж байна.
МУГТ Б.Сэр-Одын хувьд ДАШТ-ий марафоны төрөлд хамгийн олон удаа оролцсон (11 дэх удаагаа) амжилтаараа дэлхийн дээд амжилт Гиннесийн номд бүртгэгдэхээр болоод байгаа юм. МУГТ Б.Сэр-Од хэрэв "Парис-2024" зуны олимпын наадамд оролцвол зургаан олимпод оролцсон дэлхийн анхны марафонч болох юм. Ази тивийн аваргын алт, мөнгөн медальт МУГТ Б.Сэр-Од яг одоо гүйж байгаа ба та бүхэн шууд дамжуулалтыг үзэхийг хүсвэл тус линкээр үзэх боломжтой.
Шууд дамжуулалт: World Athletics Championships 2023
