Өвөрхангай аймаг, Тарагт сум “Онгийн голын гүүр” гэдэг газарт хүчтэй аадар бороо орсны улмаас айлын гэр дээр аянга буужээ. Энэ тухай дуудлага Онцгой байдлын албанд наймдугаар сарын 20-ны өдрийн 12:40 цагт ирсэн байна.

Дуудлагын дагуу тус аймгийн Онцгой байдлын газрын Эрэн хайх, аврах бүлгийн алба хаагчид, Бүсийн эмчилгээ, оношилгооны төвийн эмч нар 20 километр замыг туулан очиход иргэн Д /52 настай, эмэгтэй/ зүүн гар, хүзүү, Б /17 настай, эрэгтэй/ нүүрний хэсэг түлэгдсэн байсныг эмнэлгийн анхны тусламж үзүүлж Бүсийн оношилгоо, эмчилгээний төвийн яаралтай тусламжийн эмчид хүлээлгэн өгчээ.

---