Төв аймгийн Алтанбулаг сумын Сумт багийн “Өлийн хороо” гэдэг газарт усархаг бороо орсны улмаас 60 айл өрх усанд автжээ.

Төв аймгийн Алтанбулаг сумын Сумт багийн “Өлийн хороо” гэдэг газар /аймгийн төвөөс баруун зүгт 51 км, сумын төв/-т 08.14-ний өдрийн 15:00-15:30 цагийн орчим усархаг бороо орсны улмаас тус сумын баруун хойд талд байрлах далан сэтэрч 60 айл өрх усанд автжээ.

Энэ тухай мэдээллийг ОБЕГ 08.14-ний өдөр 18:35 цагт хүлээн авсан байна. Тус сумын Засаг даргын Тамгын газрын даргаар ахлуулсан ажилтнууд даланг сэргээн босгох, усыг зайлуулах ажлыг зохион байгуулан ажиллаж байна. 

---