Булган аймгийн Бүрэгхангай сумын Дэрс багийн “Цуурайн-Үзүүр” гэдэг газар мориор мал хариулж явсан иргэн Ч “Туул” голын усанд живсэн байж болзошгүй тухай дуудлага мэдээлэл наймдугаар сарын 12-ны өдрийн 21:48 цагт Онцгой байдлын газар хүлээн авчээ.

Тус аймгийн Онцгой байдлын газрын Хангал сумын Хялганат тосгон дахь Гал түймэр унтраах, аврах 50 дугаар ангийн алба хаагчид иргэн Ч /23 настай, эрэгтэй/-ийг эрэн хайх ажиллагааг наймдугаар сарын 14-ний өдрийн 07:00 цагаас эхлэн зохион байгуулжээ.

Ингээд мөн өдрийн 12:37 цагт анх осолдсон “Цуурайн-Үзүүр” гэдэг газар, эргээс 3 метр зайтай, 4.5 метрийн гүнээс цогцсыг олж гарган сумын Цагдаагийн хэсгийн экологийн мөрдөгчид шилжүүлэн өгсөн байна.

---