Дорнод аймгийн Хэрлэн сумын нэгдүгээр багийн “Өлзийт” гэдэг газар /сумын төвөөс зүүн зүгт 12 км-т/ тогтоол усанд тоглож байсан гурван хүүхдээс нэг хүүхэд живсэн тухай дуудлага мэдээлэл ОБГ-т наймдугаар сарын 13-ны өдрийн 18:16 цагт иржээ.

Дуудлагаар тус аймгийн Онцгой байдлын газрын Эрэн хайх, аврах ангийн алба хаагчдыг очиход эмээгийндээ амарч байсан нийслэлийн М /9 настай, эрэгтэй/-ыг тогтоол усанд живж нас барсан тул цогцсыг 19:45 цагт гаргаж Цагдаагийн байгууллагад шилжүүлэн өгчээ.

Иймд эцэг эх, асран хамгаалагчид та бүхэн бага насны хүүхдээ хараа хяналтгүй орхихгүй байх мөн учирч болзошгүй эрсдэлээс урьдчилан сэргийлэхийг анхааруулж байна.

---